Actividades

Un museo vivo, en diálogo co presente

O Museo da Migración non é só un repositorio de recursos, senón tamén unha iniciativa viva, en constante construción, conectada coa actividade presencial e dixital que a Rede Museística Provincial de Lugo impulsa ou acompaña arredor das migracións.

Neste espazo queremos dar visibilidade ás accións que teñen lugar dentro e fóra dos museos da Rede, así como aos proxectos, encontros e procesos que nos axudan a seguir aprendendo e transformando a mirada. Tamén poremos o foco en creadoras, artivistas, educadoras e profesionais coas que abrir camiños de intercambio e acción compartida.